Мамадышча Яңа ел мәзәкләре

Әтисе улына:

– Улым, син үсеп җиттең инде, кем булырга уйлыйсың?

– Әти, мин Кыш бабай булырмын ахры!

– Нишләп? !

– Чөнки ул Яңа елга кадәр бер атна һәм Яңа елдан соң бер атна гына эшли.

* * *

– Нишләп Санта Клаус бүләкләрне берүзе өләшә, ә безнең Кыш бабай аны Кар кызы белән бергә таратып йөри?

– Чөнки Санта Клаус Яңа елдан соң өенә үзе генә дә кайта ала, ә Кыш бабай юк.

* * *

Яңа ел киче шәп узган дип исәпләнә ала, әгәр...

1. Шәһәрнең төп мәйданындагы чыршы ниндидер юл белән сезнең өегезгә килеп керсә...

2. Әгәр Кыш Бабай өегездән 2 гыйнвар кичендә генә кайтып китсә. Анысы да хатыны килеп алгач...

3. Әгәр 1 гыйнвар иртәсендә түшәмдә 47 шампанский бөкесе эзе күрсәгез... Ә өстәл астында нибары 6 шампань шешәсе...

4. 9 гыйнвар иртәсендә Президент телевизордан сезгә исемегез белән мөрәҗәгать итеп, “Зинһар, эшкә чык инде” дип ялварса...

5. Әгәр сез түбән катта яшәгән күршеләрегезнең фатирын шампань шәрабы белән батырсагыз, ә алар “Тагын, тагын!” дип таләп итсәләр...

* * *

Яңа ел өстәле артында ике хатын-кыз сөйләшә:

– Дивана син.

– Аның каравы матур.

– Кем әйтте?

– Син әйттең.

– Ышандыңмы?

– Әйе.

– Дивана икәнсең.

– Аның каравы матур.

* * *

Яңа елдан соң ике сары чәчле кыз урамнан барганда көзге табалар. Тапкан кыз көзгегә карый да:

– Мин бу кешене каядыр күргәнем бар.

– Бир әле үзем карыйм. Дивана! Бу бит мин.