Мамадышта “күкеләр үрчеми”

Соңгы дүрт ел эчендә Россиядә ятим балалар саны ике тапкырга кимегән.

Илнең җаваплы җитәкчеләре фикеренчә, бу - гаилә уңайлыкларын стимуллаштыру буенча башкарылган уңышлы сәясәт күрсәткечләре. Күп кенә очракта балалар, тудыру йортында ук,әти-әни назыннан мәхрүм калалар.Сабыйларыннан баш тартучыларны нинди сүз белән атарга да белмәссең .Шәһәребезнең бала табу йортында бу мәсьәлә ничегерәк икән соң дип, шалтыратып алырга булдык. 12 елга якын биредә акушер булып эшләүче Венера Мукашева сүзләреннән күренгәнчә, ул хезмәт куйган дәвердә, бер генә яңа туган баланы да калдырып китүче булмаган. Бу,әлбәттә, мактанырлык күрсәткеч. Димәк Мамадышта "күкеләр үрчеми".