Мамадышлылар Питрауда акчаларын кайда калдыра

Агымдагы елда Питрау мәйданы составына "Изге Тәпи чишмәсе" керде.

Дөрес, чишмә узган елларда да бар иде. Ләкин быел ул керәшен бәйрәменә килүчеләрне кабул итәр өчен махсус әзерләнгән. Чишмәгә илтүче юлга да матур итеп таш түшәлгән.

Моннан тыш, биредә агачтан һәм печәннән ясалган утыргычлар да бар. Чишмәгә килгән һәркем дә изге теләкләр теләп, суга тиен тәңкәләр ыргыта ала.

-Һичшиксез, чын күңелдән булган теләкләр чынга ашачак, - дип уйлый "Изге Тәпи чишмәсе"нә килүчеләр.

Әдел Әхмәтҗанов