Мамадышка еланнар ияләште

Редакциябезгә Мамадышта яшәүче бер ханым шалтыратып мунча янындагы тау юлыннан Чапаев урамына төшкәндә кара елан (гадюка) күрүен хәбәр итте һәм башкаларны, бигрәк тә балаларны саграк булырга чакырды.

Казан (Идел буе) федераль университетының Фундаменталь медицина һәм биология институты герпетологы Антонина Фурман Татарстанда кара еланнар иң күп таралган районнар исемлегенә Мамадыш белән Балык Бистәсен дә керткән. Дөрестән дә, аларны бездә бөтен җирдә: болыннарда да, урманнарда да, ерганакларда да, хәтта, Мамадышның үзендә дә очратырга мөмкин. Пузанка тавында да, шәһәрнең кыргый Америка өрәңгеләре баскан тау битләрендә дә аларны күрүчеләр шактый.

Минневәрис МИНГАЛИЕВ