Мамадыш имамы хатын-кыз алкоголизмын дәвалау серләрен ачты

Узган елны республикада аракы эчеп үлүчеләрнең саны 356га җиткән. Әле бу үлүчеләр генә, хәмер эчү аркасында күпме гаилә таркала, балалар ятим кала, юл һәлакәтләре килеп чыга, җинаятьләр кылына. Дин әһелләре сүзләренчә, хәмер эчкән бәндәнең иманы кача, шуңа да Аллаһы Тәгалә безгә акылыбызны үзгәртә торган һәрбер исерткечне хәрам кылды.

Бүгенге "Иман вә әхлак" телетапшыруы нәкъ әлеге темага багышланган булыр. Ни өчен хатын-кыз алкоголизмы ир-атныкыннан куркынычрак? Кеше исерек килеш үлеп китсә, ул үз-үзенә кул салучы кебек буламы? Әлеге һәм башка сорауларны "Рәхимле" мәчете имамы Нурислам хәзрәт Газизов җаваплар. 17.30 сәгатьтә карамый калмагыз!