Мамадыш авылларында сайлаучылар аеруча актив

12 сайлау округының унысы авыл җирлекләрендә.

Дүсмәт төбәгендәге 1853нче санлы УСК бүген авылның 4нче округында яшәүчеләргә хезмәт күрсәтә. Комиссия әгъзасы Алинә Васильева белдерүенчә, бу округта тавыш бирү яшендәге 77 кеше гомер кичерә икән.
-Иртәнге 9 сәгатькә исемлектәге гражданнарның 54%ы тавыш бирергә өлгерде. Бу бик яхшы күрсәткеч дип исәплибез. Беренче минутларда аеруча өлкәннәр актив булды,- ди Алинә.
Участок сайлау комиссиясенә тавыш бирергә килгән Илмар Гыйләҗев та бер генә сайлауны да калдырмый икән.
-Сайлауда катнашу һәр гражданинның изге бурычы дип саныйм. Яше җиткән һәркем килеп, теге яки бу кандидат өчен тавыш бирергә тиеш. Ә сайлаулардан тагын да яхшы якка үзгәрешләр көтәбез,- ди Илмар Гыйләжев.
Исегезгә төшерәбез, бүген сайлау участоклары 20 сәгатькә кадәр эшли.