Бүген ТР территориясендә өстәмә сайлаулар уза

Бүген, 2017 елның 10 сентябре, бердәм тавыш бирү көнендә Татарстан Республикасының 38 муниципаль районы территориясендә муниципаль берәмлекләрнең вәкиллекле органнары депутатларын өстәмә сайлаулар уза.
ТР Үзәк сайлау комиссиясе сайтында сезнең өчен интернет-сервислар эшли, алар ярдәмендә үзегезнең сайлау участогы турында мәгълүмат белә аласыз.
"Үз сайлау участогыңны тап" интернет-сервисында онлайн режимда торак урыны адресы буенча сайлау участогы санын, шулай ук тавыш бирү бинасы адресын белеп була.
"Үзеңне сайлаучылар исемлегендә тап" интернет-сервисы Россия Федерациясе гражданына үзе исемлеккә кергән сайлау участогы турында мәгълүмат алуны тәэмин итә. Моның өчен, яшәү урыны адресыннан башка, фамилияңне, исемеңне, атаңның исемен һәм туган елыңны күрсәтергә кирәк.
Татарстан Республикасы территориясендә тиешле сайлау участокларының 07.00 сәгатьтән 20.00 сәгатькәчә ачык булачагын исегезгә төшерәбез.