Мамадышта исерек ир хатынын кыйнап үтергән

 Әлеге факт буенча Россия Федерациясе Тикшерү комитетының Татарстан Республикасы буенча тикшерү органнары тарафыннан үлемгә китергән авыр  тән җәрәхәтләре ясау буенча җинаять эше кузгатылды. Зыян күрүченең 35 яшьлек ире тоткарланды, ул гаебен таный.  Бу хакта тикшерүчеләрнең  социаль челтәрләрдәге  рәсми аккаунты хәбәр итте. Хәзерге вакытта җинаять кылуның шартларын ачыклау бара.  Алар спиртлы эчемлекләрне бергәләп эчкәннәр, ир хатынын алкогольне бик күп  куллануы өчен кисәткән, аннары аны үтергәнче кыйнаган.