Мамадыш муниципаллары республикада иң көчлеләр

Муниципалларыбызның еллык нәтиҗәләр буенча беренче өчлектән төшкәннәре юк, дисәк тә урынлы булыр. Быел, исә, безнекеләр икенче төркемгә кергән ике дистәгә якын районнар арасында пьедесталның югары баскычына күтәрелделәр. Мәгълүм булганча, муниципаль хезмәткәрләр тугыз төр буенча ярышларда катнашалар. Шуларның хатын-кызлар һәм ирләр волейболы, мини-футбол, өстәл теннисы, җиңел атлетика, шахмат төрләрендә командабыз алтын медаль яуласа, чаңгыда узышуда, йөзүдә һәм бадминтонда икенче урынны яуладылар. Приз акчаларына елдагыча, спорт кирәк-яраклары, киемнәр алырга тотылачак.