Мамадыш көзгә чаклы чәчәкләргә күмелеп утыра

Әлеге матурлыкны саклау “Мамадыш торак-коммуналь идарәсе” җәмгыяте җилкәсенә төшә. Оешма көче белән быел барлыгы 30 мең төп төрле чәчәкләр утыртылды. Аларга яңгыр яумаганда көн саен 12 кубометр су сибәргә кирәк. Түтәлләргә су сибү график нигезендә башкарыла. Явымсыз көннәрдә җәмгыятьнең су сиптерү машинасы иртәнге һәм кичке сәгатьләрдә үз эшен башкара.