Районыбыз башлыгына – Мактау билгесе

Бүләкне Император православие палестина җәмгыяте рәисе Сергей Степашин тапшырды. Җәмгыятьнең Татарстан бүлекчәсе Россиядә иң зурларның берсе, вәкилләре республиканың бөтен районнарында диярлек эшли. 21нче июльдә – Казан Алла анасы иконасы көнендә аның хөрмәтенә Казан кремлендә яңадан торгызылган тарихи собор тантаналы шартларда ачылды. Степашин бу тарихи вакыйганың мөһимлеген билгеләп үтте һәм соборны яңадан торгызуда зур өлешләрен керткән һәм күңел биреп катнашкан бөтен кешегә рәхмәтләрен җиткерде, Император православие палестина җәмгыяте эшчәнлегендә актив катнашучыларга Мактау билгеләре тапшырды.