25нче ноябрь–Аналар көне

Хөрмәтле әниләр! Сезне бәйрәмегез белән чын күңелдән котлыйм.

Сөекле аналар-гаилә терәге. Һәммәбезнең тормышына әниләр башлангыч бирә, безне җылы куллары белән иркәләп, назлап, кайгыртып үстерә. Көннән-көн чәчәк атучы Мамадышыбыз җирлегенә лаеклы уллар-кызлар тәрбияләгән Аналар алдында хөрмәт белән баш иябез. Муниципаль районыбыз җитәкчелеге өчен гаилә, аналар һәм балалар турында кайгырту-һәрвакыт өстенлекле юнәлеш. Районыбызда яшьләргә үрнәк булырлык эшсөяр аналар бик күп. Алар халык хуҗалыгы тармагының төрле өлкәләрендә хезмәт куялар, җәмгыять тормышында да актив катнашалар. Барлык әниләргә-яңа гына бәбиләгәннәргә дә, инде оныкларын үстерүчеләргә дә саулык-сәламәтлек, якыннарыгыз хөрмәте, күңел күтәренкелеге, олы хатын-кыз бәхете телим. Аналар мәхәббәте безне гомер буе озата килсен. Көндәлек хезмәтегез өчен зур рәхмәт Сезгә!

А.П.ИВАНОВ,

район башлыгы, муниципаль район Советы рәисе, "Бердәм Россия" БСП ТРБ җирле бүлекчәсе секретаре