Мәшәкатьле эшнең җимеше тәмле

Төп эше мөгаллим булса да, Ринат Хәйруллин бер хезмәт хакына гына канәгатьләнүчеләрдән түгел. Гаилә бюджетына өстәмә табыш кертүнең төрле юлларын таба ул. Берничә ел элек Лизинг-грант программасы хакында ишеткәч, анда катнашып, инкубатор ота. Җиһазны 10 га 10 зурлыгында төзелгән әлеге сарайга урнаштыралар. Инкубатор мең ярым каз яки 4 мең чамасы тавык йомыркасына исәпләнгән. Беренче сезонда Хәйруллиннар хуҗалыгында каз бәбкәләре үсте. Уңышка ирешүнең сере шәхестән генә тормаска да мөмкин, ди Ринат Хәйруллин. Техника бит ул. Барысын да белеп тә бетермибез, ди героебыз. Бәбкә яки чебешләр чыгаруны Ринат абый бик тынгысыз эш, дип бәяли. Монда гаилә белән тир түксән генә нәтиҗәсе яхшы була, ди ул.