Нократ

Космонавтика көнендә бозга чыктылар

Мамадыш бозында Россиянең 5 шәһәреннән килгән 5 команда очрашты. Яшь спортчыларны Космонавтика көненә багышлап үткәрелгән хоккей турниры җыя. 12нче апрельдә Юрий Гагарин космосны иңләгән булса, яшүсмерләр бу көнне бозга чыкты. 12-14 апрель көннәрендә "Олимп" Боз сараена 10 яшьлек хоккейчылар хуҗа иде. Биредә "Олимп-2003" командасында уйнаучы хоккейчыларның кайбер әти-әниләренең иганәчелек ярдәме...

Мамадыш бозында Россиянең 5 шәһәреннән килгән 5 команда очрашты. Яшь спортчыларны Космонавтика көненә багышлап үткәрелгән хоккей турниры җыя. 12нче апрельдә Юрий Гагарин космосны иңләгән булса, яшүсмерләр бу көнне бозга чыкты.

12-14 апрель көннәрендә "Олимп" Боз сараена 10 яшьлек хоккейчылар хуҗа иде. Биредә "Олимп-2003" командасында уйнаучы хоккейчыларның кайбер әти-әниләренең иганәчелек ярдәме белән оештырылган бәйгеләр барды. Мәйдан хуҗаларыннан тыш, җанатарлар Яр Чаллы, Азнакай, Тольятти, Чабаксар шәһәрләреннән килгән командаларны да күрү бәхетенә ирештеләр. Аларның һәркайсы бары тик җиңүгә генә рухланган иде. Уеннарны күзәтергә йөзләрчә километр араны узып спортчыларның әти-әниләре дә килгән.
Бозда алка өчен көрәш бер генә мизгелгә дә тынмады. Сергей Солодаев шәкертләре беренче очрашуны Тольяттиның "Волгарь" командасына каршы уйнады. Очрашу барышында җиңелеп барсалар да, төп вакыт беткәнче исәп тигезләнде. Буллитлар буенча исә, кунаклар өстенлеккә иреште. 5:4.
Икенче көнне "Олимп" чираттагы уенын Чабаксарның "Спартак" командасы белән үткәрде. Мамадышлылар бу юлы да җиңүдән бер адымда читтә калдылар. Кунаклар 3:2 белән өстенлеккә иреште.
- Икенче уен рәттән җиңүгә ирештек. Көндәшләрнең көчләре тигез дип әйтергә мөмкин. Әмма азаккы нәтиҗә безнең файдага булыр дип өметләнәм,- ди "Спартак" командасы тренеры Александр Абукин.
- Кызганычка каршы, беренче ике очрашу безнең файдага түгел иде. Әмма уенчылар белән җитди сөйләшү булды. Алдагы уеннарда яхшы нәтиҗәгә өметләнәм,- ди "Олимп" командасы тренеры Сергей Солодаев.
Мамадышлыларның остазы бу юлы ялгышмады. Безнекеләр Яр Чаллы командасын 5:0, Азнакай хоккейчыларын 2:0 исәбе белән җиңүгә ирештеләр. Азнакай "Сокол"ы турнирда бары тик "Олимп"ка гына оттырды. Әмма ике җиңелү мамадышлыларга хәлиткеч уеннарга эләгү мөмкинлеген япты. Шуңа күрә өченче урын өчен генә көч сынашырга туры килде. Кызганычка каршы, тольлятилылар әлеге нияткә аяк чалдылар: "Олимп"ны 6:2 исәбе белән бирелергә мәҗбүр иттеләр. 1-2нче урын өчен барган очрашуда Азнакайның "Сокол" командасы Чабаксарның "Спартагыннан" көчлерәк булып чыкты һәм төп бүләккә ия булды.
- Мин хоккей белән 7 яшьлек чагымнан шөгыльләнәм. Командабызда 3 яшьтән үк спортның әлеге төрен үз итүчеләр дә бар. Бер-беребезне аңлап уйныйбыз,- ди төп бүләккә ия блган команда уенчысы Булат Сәгыйтов.
Турнир нәтиҗәләре буенча "Сокол"дан Данис Апанаев- иң яхшы капкачы, "Олимп"тан Булат Бинков - иң яхшы бомбардир, "Волгарь"дан Михаил Политыко - иң яхшы сакчы, "Спартак"тан Алексей Абрамов - иң яхшы һөҗүмче дип танылдылар.
Нравится
Поделиться:
Реклама
Комментарии (0)
  • 17 мая 2018 - 15:04
    Мамадышские медсестры отметили свой профессиональный праздник
  • 15 мая 2018 - 15:16
    Жительница Мамадыша поздравляет с Днем семьи
  • 24 апреля 2018 - 10:28
    Мамадышских победителей фестиваля "Созвездие - Йолдызлык" встретили плакатами, шарами и живым коридором
  • В Мамадыше дан старт строительству первых производственных площадок на территории промпарка "Вятка"
  • "Премия века" - газете "Нократ" ("Вятка") 100 лет!
  • В Мамадыше наградили победителей конкурса, приуроченного к Дню матери
  • 26 декабря 2016 - 12:41
    Частные объявления Сдам посуточно однокомнатную квартиру в г. Мамадыш: желательно молодым или семейным парам. Все подробности по телефону 8-960-076-76-17 /////// Тамада русско-татарская. Профессиональная актриса, интересная, своеобразная программа с юмором. Тел.: 89274161807 Эльмира Требуются в страховую компанию офисный специалист на постоянную работу и страховые агенты. Собеседование по телефону: 8-960-088-77-66 Продается Теплицы заводские (крашеные и оцинкованные). Доставка. Установка. Хранение. Тел.: 8-917-917-34-43 Срубы, брус, доски на дома и бани. Из зимнего леса. Доставка. тел.: 8-927-046-99-22, 8-937-577-87-00 Умартага канди - 100 с. Прополис 1600с, балавыз 260с алабыз. 8-905-039-34-43 СТЕНОВЫЕ керамзитные блоки и перегородочные, с/з Мамадышский ул. Беркасовская, д.36. Тел.: 8-965-618-21-88, 8-962-577-11-74 Услуги РЕМОНТ холодильников. Выезд на дом, по деревням. Тел.: 8-904-664-83-51, 8-917-391-76-83, 8-927-049-49-38, 8-906-121-39-77 РЕМОНТ: Ж/К телевизоров и антенн. Выезд на дом. Тел.: 8-905-376-43-72 РЕМОНТ стиральных машин на дому. Выезд по деревням. Гарантия. Тел.: 8-962-578-16-36, 8-917-248-03-61 НАТЯЖНЫЕ ПОТОЛКИ любой сложности - 100 руб./кв.м. Гарантия 15 лет. Быстро. Чисто. Тел.: 8-937-595-88-41
Ночной режим