Нократ

Өй эчендә күргәзмә

Аның йортында сатып алынган җиһазлар бармак белән генә санарлык. Күбесен Валерий Федоров үз куллары белән тудырган. Дүсмәт авылы остасының эшен безнең иҗат төркеме дә бәяләде. Әлеге остаханәнең төзелгәненә 7-8 ел гына әле. Әмма агач материалыннан ни дә булса иҗат итү Валерий Федоровта мәктәп елларыннан ук. Белем алуын да шушы юнәлештә...

Аның йортында сатып алынган җиһазлар бармак белән генә санарлык. Күбесен Валерий Федоров үз куллары белән тудырган. Дүсмәт авылы остасының эшен безнең иҗат төркеме дә бәяләде.

Әлеге остаханәнең төзелгәненә 7-8 ел гына әле. Әмма агач материалыннан ни дә булса иҗат итү Валерий Федоровта мәктәп елларыннан ук. Белем алуын да шушы юнәлештә дәвам итә. Мәскәүдә агач эшкәртү белгечлегенә укый.
- Мондый сәләт бездә нәселдән килә. Минем әтием балта остасы булып эшләде. Мине дә бу шөгыль үзенә тартты. Әтием буралар бурап йөрде, ишекләр, урындыклар ясый иде. Ул чагында сатып алырга да юк иде бит. Гел мөрәҗәгать итеп тордылар,- ди.
Мәскәүдә белем алып кайткач та, Валерий авыл хуҗалыгы оешмасында эшли башлый. 14 ел трактор руле артында утыра ул. Бу чорда әлбәттә, агач эшенә вакыт аз кала. Хезмәт урынын алыштырганнан соң гына, яшьлек шөгыленә кире кайта. Иң элек машина гаражында иҗат итә. Ә 7-8 ел элек әлеге остаханәне төзеп, биредә эшли башлый. Баштарак тәрәзә рамнары, гадиерәк ишекләр, вак-төяк җиһазлар ясаган. Хәзер алар югары сыйфатлы дип әйтергә мөмкин. Әлеге 3 ишекне бер атнада ясаган. Сорап килүчеләр күп, өлгереп булмый хәтта, ди героебыз. Агач чүбенә кадәр алып бетерәләр икән. Иҗат җимешләренә заказ бирүчеләр генә түгел, ә үзе дә соклана Валерий Федоров.
- Мин үзем ясаган әйберләрне кабат-кабат карап йөрим. Сокланам мин аларга. Бер караганда матур кебек, икенче караганда кайсыдыр җире ошап та бетми. Кергән кешеләр дә бәя бирә,- ди.
Валерий Федоров ясаган җиһазларга бары тик югары бәя генә бирергә мөмкин. Өй эчендә кибеттән сатып алынган әйберләр бармак белән генә санарлык. Урындыклар, кровать-диваннар, берничә төрле өстәл, шкафлар. Болар бер генә елда ясалмаган, әлбәттә.
- Бу урындык мисалында гына әйтсәм, ул бик озак ясалды. Чөнки мин аны тулысынча үзем уйлап таптым. Һәр бизәген тудыруга шактый вакыт сарыф ителде. Гадәттә, беренче ясаган әйбер шулай күп вакыт сорый. Аннан соңгыларын беренчесенә карап ясыйсың,- ди.
Әлеге эшләнмәләре белән Валерий Федоров күргәзмәләрдә дә катнашкан. Ничек ясавым турында кызыксынучылар да, җиһазларым янында фотога төшүчеләр дә булды, ди остакул.
Нравится
Поделиться:
Реклама
Комментарии (0)
  • 7 февраля 2018 в 13:11
    Предложение руки и сердца на главной сцене района: эксклюзивное интервью Ильмира Самигуллина и его избранницы
  • 31 января 2018 в 15:30
    В Мамадыше прошел 4-ый фестиваль-конкурс посвященный памяти Дианы Мишкиной.
  • 31 января 2018 в 13:44
    В детских садах Мамадышского района продолжат изучать татарский язык
  • "Премия века" - газете "Нократ" ("Вятка") 100 лет!
  • В Мамадыше наградили победителей конкурса, приуроченного к Дню матери
  • 26 декабря 2016 в 12:41
    Частные объявления ПРОДАЕТСЯ стельная корова. Тел.: 8-917-22-51-560 ///// НАТЯЖНЫЕ потолки, двери входные и межкомнатные, окна, жалюзи, светильники. Давыдова,30. Тел.:8-960-077-91-22 ///// РЕМОНТ: Ж/К телевизоров и антенн. Выезд на дом. Тел.: 8-905-376-43-72 ///// РЕМОНТ стиральных машин на дому. Выезд по деревням. Гарантия. Тел.: 8-962-578-16-36, 8-917-248-03-61 ///// НАТЯЖНЫЕ ПОТОЛКИ любой сложности - 100 руб./кв.м. Гарантия 15 лет. Быстро. Чисто. Тел.: 8-937-595-88-41