Мамадыш газеталарына арзан бәядән язылып була

1-10 декабрьләрдә Бөтенроссия “Абунәче ункөнлеге” уза һәм “Нократ”, “Вятка“ газеталарына 636 сум 42 тиеннән генә язылып була. 3нче декабрьдә Мамадыш почтамтында узган Абүнәче көнендә дә җанлылык сизелде. Ике дистәдән артык шәһәрдәшебез, газеталарыбызга язылып, махсус бүләкләребезгә дә лаек булдылар. 

Без бу җаваплы эштә һәрчак почта хезмәткәрләренә, хат ташучыларга таянабыз. Алар белән телефон аша да, очрашып та хәл-әхвәл белешеп, даими элемтәдә торабыз. Көзге язылу чорының инде яртысыннан күбесе артта калды. Газеталарыбызга язылырга айдан аз гына вакыт калып бара. Газеталарыбыз киләсе елның 1нче гыйнвареннан соң да килсен дисәгез, соңга калмагыз!
 

Минневәрис МИНГАЛИЕВ