Нократ

Браконьерлар да каба

Уналтысыннан унҗиденче майга каршы төн браконьерларга гына түгел, Россия Эчке эшләр министрлыгының ТР буенча Мамадыш районы бүлеге хезмәткәрләре өчен дә уңышлы булды. Алар тарафыннан 14 административ беркетмә тутырылды, районыбыз территориясендә күп күләмдә законсыз балык тотуның ике факты ачыкланды. Полиция хезмәткәрләре Айрат Бабаниязов белән Андрей Васильев һәм Мамадыш балык заводы вәкилләре...

Уналтысыннан унҗиденче майга каршы төн браконьерларга гына түгел, Россия Эчке эшләр министрлыгының ТР буенча Мамадыш районы бүлеге хезмәткәрләре өчен дә уңышлы булды. Алар тарафыннан 14 административ беркетмә тутырылды, районыбыз территориясендә күп күләмдә законсыз балык тотуның ике факты ачыкланды.

Полиция хезмәткәрләре Айрат Бабаниязов белән Андрей Васильев һәм Мамадыш балык заводы вәкилләре 16нчы май көнне кичке сәгать 10да бергәләшеп рейдка кузгала.
- Отарка авылы янында беренче браконьерны төнге сәгать бердә эләктердек. Алабугалы, вакытлыча шушы авылда яшәүче ирнең моторлы көймәсеннән һәркайсы 70 метрлы тыелган ятьмә белән тотылган 76 карп, өч корбан, бер опты һәм чуртан алынды,- ди район эчке эшләр бүлеге җитәкчесенең урынбасары Айрат Бабаниязов.
Беренче браконьерны рәсмиләштергән вакытта, икенче ятьмәгә тап булалар. Иртән аларны да бөтен "байлыклары" белән кулга төшерәләр. Казанда яшәүче ике ир кулындагы 30 килограммлы капчыкта 170 данә чөгә санап чыгаралар. Балыклар эре, уылдык чәчәргә әзерләнгәннәр. Корсаклары ярылганнарының уылдыклары да шунда ук таралып ята... Иң кара исәпләр белән табыш - 20 мең сумлык. Тик табигатькә салынган зыян гына исәпләп бетереп булмаслык. Шулай ук ятьмәләре, моторлы резина көймәләреннән дә коры кала браконьерлар.
Сулыкларда 25нче апрельдән "Уылдык" операциясе игълан ителгән иде. Соңгы араларда мондый рейдлар көн саен уздырыла. Инде 25 административ материал һәм ике эре браконьерлык очрагы теркәлергә өлгергән. Гамәлият 10нчы июньгә кадәр бара.
Нравится
Поделиться:
Реклама
Комментарии (0)
  • 22 ноября 2017 в 12:36
    Мамадышских автолюбителей "заставили" вспомнить правила дорожного движения
  • 22 ноября 2017 в 11:49
    Житель села Никифорово открыл собственное дело
  • 22 ноября 2017 в 10:29
    Жительница Мамадыша поздравляет всех МАМ с предстоящим праздником
  • 26 декабря 2016 в 12:41
    куплю-продам ПРОДАМ цемент, брусчатка, блоки, кирпич, кольца, крышки, песок, ПГС. Доставка. Тел.: 8-960-088-70-07 УСЛУГИ ремонт стиральных машин на дому. Выезд по деревням. Гарантия. Тел.: 8-962-578-16-36, 8-917-248-03-61 бурение скважин.Тел.: 8-987-002-94-03