Кул көрәше

Узган атна районыбызда спорт бәйгеләренә бай булды. Аларга беренче булып армспортчылар старт бирде. "Олимп" спорт-сәламәтләндерү комплексында ике йөздән артык 1996нчы елларда туган һәм яшьрәк укучылар, ир-атлар һәм хатын-кызлар 23 авырлык үлчәвендә араларыннан иң көчле беләклеләрне барладылар. Иң күп призлы урыннарны (16) 87нче һөнәри көллият спортчылары яулады. Шәһәрдәге 4нче санлы, Мамадыш коррекцияләү мәктәләрендә, Омар һәм Олыяз авылларындагы белем бирү учреждениеләрендә дә спортның әлеге төрен үз итәләр икән. Нәтиҗәдә, коррекцияләү мәктәбенең яшь армспортчылары укучылар арасында гомумкоманда беренчелеген оттылар. Һөнәри көллият һәм Омар командалары икенче-өченче урыннарны бүлештеләр. Зурлар арасында исә шәһәрдәге 4нче санлы, шул ук Омар мәктәпләре һәм көллиятнең кул көрәше осталары беренче-өченче булдылар.