Чаңгы спортында иң җитез педагогларны ачыкладылар

Бүген районыбызның барлык белем бирү учрежденияләре хезмәткәрләре чаңгыга басты. Аларны мәгариф хезмәткәрләре арасында узучы "Аргамак" спорт уены берләштерде. Ир-атларга 3 чакрымга сузылган дистанцияне иярләргә туры килде, ә хатын-кызларга исә 2 километрны. Биредә барлыгы 20 команда составында 68 кеше катнашты. Нәтиҗәдә, хатын-кызлар арасында 35 яшькә кадерлеләр арасында 1 нче урын коррекцияләү торак мәктәбе тәрбиячесе Гөлсәрия Мухиевага, аннан өлкәнрәк яшьтәгеләр арасында Албина Низамовага бирелде. Ә көчле зат вәкилләре арасында 3 нче мәктәптән Нияз Хурамшин һәм Владимир авылы мәктәбеннән Николай Бачков үз категорияләрендә беренчелекне яуладылар.