Республика белгечләре–Мамадышта

Бердәм дәүләт имтиханнары буенча муниципаль координаторлар Мамадышта очраша. 3нче санлы мәктәп базасында бүген республика БДИ координаторларының семинар-киңәшмәсе уза. Чарада барлык районнар һәм Татарстан Республикасы Мәгариф һәм фән министрлыгы вәкилләре катнашуы көтелә. Киңәшмә барышында мәгариф сыйфаты һәм укучылар аттестациясе мониторингы бүлегенең әйдәүче киңәшчесе Гөлфия Җиһаншина, республиканың мәгариф сыйфаты мониторингы үзәге директоры Ирина Сахнова, аның урынбасары Артем Дяковецкий, әлеге үзәкнең бүлек начальнигы Светлана Денейкиналар чыгыш ясыячак.