ХОКУКЫЙ БРЕЙН-РИНГ

Өченче санлы мәктәп укучылары законнарны яхшы белә. Моны алар шушы көннәрдә Мамадыш районы прокуроры урынбасары Әлфия Корчагина белән очрашу барышында тагын бер кат исбатладылар. Уен рәвешендә алып барылган чарада кызыклы хокукый мәсьәләләр күтәрелде. Хөрмәтле кунак компетентлы жюри ролен башкарды, юридик сорауларга җаваплар бирде. Сөйләшүдә балигъ булмаганнар эшләре буенча комиссиядә исәптә торучы укучылар да актив катнашты. Брейн-рингның абсолют җиңүчесе исемен 10нчы сыйныф укучысы Алина Закирова яулады. Бу хакта белем йортының тәрбия эшләре буенча директор урынбасары Роза Әхмәтова хәбәр итте.