Урман бете кадалса

-Радиодан Чаллыда урман бете кадалып, хастаханәгә мөрәҗәгать иткән кешеләрнең күп булуын ишеттем. Ә бездә ничек? Сорауга район үзәк хастаханәсенең йогышлы авырулар табибы Рамис Галиев җавап бирә: -Агымдагы елның 18нче маена кадәр районыбызда урман бете кадалган 13 кеше район үзәк хастаханәсенә мөрәҗәгать итте. Узган ел бу сан 5 иде. Быелгы каза күрүчеләр "лимфаденит һәм лимфенгиит белән катлауланган урман бете тешләү" диагнозы белән госпитальләштерелделәр. Урман бете энцефалиты, бореллизы диагнозларының бездә булганы юк.