Мамадышта язгы кыр эшләренә 400 якын трактор җәлеп ителәчәк

Һава шартлары бүгенгедәй торганда, кырга чыгарга да санаулы көннәр калып бара. Аграрийларның төп игътибары һәм көче язгы чәчүгә әзерлек эшләренә юнәлдерелгән.

Районның авыл хуҗалыгы һәм азык-төлек идарәсе мәгълүматлары буенча, быелгы кыр эшләрендә 353 данә трактор катнашачак. Аларның 77 % ремонтланган. Тырма агрегатлары тулысынча әзер, культиваторларны төзекләндерү 93 %, чәчкечләр 86 %, авыр тырмалар 61 %, агулау машиналары 82 % башкарылган.

"Трудовик-орлык" агрофирмасы, "Старый мельник" фермерлык хуҗалыгы һәм "Берсут" агрофирмасы хезмәтчәннәре инде бүгеннән үк тулы составта кырга чыгарга әзер.