Мамадышның төп сәхнәсе бу атнада спектакль күрсәтми

Сәнгать сөючеләр игътибарына берничә мәгълүмат! 20нче март киченә билгеләнгән спектакль киләсе атнага күчерелә. График буенча, бу пәнҗешәмбедә коррекцияләү торак-мәктәбе җитәкчелегендәге театраль коллективлар чыгыш ясарга тиеш иде.

Исегезгә төшерәбез, тамашалар шәһәр оешмалары арасында баручы смотр-конкурс кысаларында әзерләнә.

Спектакль кую көненә үзгәреш кертү район мәдәният йорты сәхнәсендә узачак мөһим чара белән бәйле. Билгеле булганча, 21-22нче март көннәрендә Мамадышта "Созвездие-Йолдызлык" республика фестиваленең зона туры үтә. Иң яхшы чыгышлар шимбә кичендә гала-концертта тәкъдим ителәчәк.

Җыр-моң, нәфис сүз һәм дәртле биюләр тамаша кылырга теләүчеләрне чакырып калабыз!