Мамадышка “ипи” яуды

Яз яуган карны агрономнар: "Уңышка!" - диләр . Бүген, 11нче апрель көнне, иртән бөтен җир өстен ап-ак кар каплаган иде. Кар яву көндез дә дәвам итте. Урыны белән аның калынлыгы егерме сантиметрга да җитте. "Бу - 5-6 миллиметр явым-төшемгә тиң. Ул эрегәч җирдәге дым микъдары тагын да артачак. Апрель аендагы яңа кар игенчегә сөенеч кенә алып килә," - ди район авыл хуҗалыгы һәм азык-төлек идарәсе консультанты Наил Низамов.