Иң якын кешебез

Дөньяда иң кадерле, иң хөрмәтле кеше кем, дип сорасалар, мин "Әниләр," - дип җавап бирәчәкмен.

Чөнки алар безне тудыргач та, бөтен көчләрен балаларын тәрбияләүгә багышлыйлар. Әнием өч бала анасы. Безне, өч улын, тәрбияләп үстерүгә ул бөтен җанын-тәнен бирә. Ул - безнең өйнең яме, тормышыбызны бизәп торучы илаһи зат. Тәмле телле, ачык йөзле булганы өчен аны белгәннәр хөрмәт итәләр. Шундый ана булганга без үзебезне бәхетле тоябыз да инде. Аның киләчәктә дә йөзеннән елмаю китмәсен иде, дип телибез.

Инсаф Бинков, Җөри урта гомумбелем бирү мәктәбенең 2нче сыйныф укучысы