Бурычларны төгәлләргә

ТР Премьер-министры Илдар Халиков торак төзелеше мәсьәләләренә багышланган чираттагы видеоконференцияне үткәрде. Республикада 1 миллион 626 мең квадрат метрдан артыграк торак төзелгән. Шәһәрләрдә һәм муниципаль районнарда соципотека программасы буенча, Бөек Ватан сугышы ветераннары өчен тораклар төзү ахырына якынлаша. Мамадыш муниципаль районында төзелеш объектларында эшләр расланган график нигезендә алып барыла. Ноябрь-декабрь айларында "Төзүсервис" һәм "Мамадыштөзү" ябык акционерлык җәмгыятьләре тарафыннан төзелүче күпфатирлы алты йортны файдалануга тапшыру ниятләнә. Видеоконференция ахырында муниципаль район башкарма комитеты җитәкчесе Илнар Хафизов оешма-предприятиеләр җитәкчеләре катнашында әлеге тема буенча нәтиҗәләр ясады.