Бүләккә–Коръән китабы!

«Сабантуй»ның «Иман» сәхифәсендә иң кызыклы хатка конкурс игълан ителгән иде. Татарстан мөселманнары Диния нәзарәте белән бергәләп оештырылды ул. Малайлар-кызлар өйләрендә кадерләп сакланучы гарәп язулы китаплар, авылларындагы шифалы изге чишмәләр, мәчетләр, дин гыйлеменә өйрәтүче остазлары турында яратып, җылы итеп язган бик күп хатлар килгән. Әлеге конкурста җиңүчеләр арасында райондашларыбыз булуы да сөендерде. Урта Кирмәннән Инсаф Ибраһимов, «Өмет» социаль приюты (тәрбияче Илсөяр Вәлиуллина) Коръән китабы белән бүләкләнгәннәр. Бу изге китап аларны иман юлыннан тайпылдырмыйча, бәхеткә, зур уңышларга алып барсын.